''ஹேர்டை'' வீட்டுக்குள் இருக்கும் விஷம்

இப்போதெல்லாம் எல்லார் வீட்டு பாத்ரூமிலும் சோப்பு, ஷாம்பூ, வரிசையில் இடம்பிடிக்கும் மற்றொரு பொருள் ஹேர்டை. வாலிபர்கள் முதல் வயோதிகர்கள் வரை எல்லோரும் உபயோகிக்கிறார்கள். இதன் பின் விளைவுகள் பற்றி யாருக்காவது தெரியுமா?

''மயக்கம் ''அறியாமல் நீங்கள் நிகழ்த்தும் மரணங்கள்!

சமீபத்திய இரண்டு சம்பவங்கள் (மரணங்கள்) எனக்கு இந்த பதிவை எழுத தூண்டியது.

ஒன்று.

நான் அடிக்கடி செல்லும் எனது நண்பரின் எதிர் வீட்டு பாட்டி. அறுபது வயதை நெருங்கும் அவருக்கு சுகர், பிரஷர், இதய நோய், போன்ற எதுவும் கிடையாது. நல்ல ஆரோக்கியமானவர். ஒருநாள் காலைமுதல் உண்ணா நோன்பு இருந்தவர், மாலை வெந்நீரில் குளித்துக் கொண்டிருக்கும் போது, இரத்த அழுத்தம் குறைந்து, மயக்கம் ஏற்பட்டு கீழே விழுந்திருக்கிறார். சப்தம் கேட்டு பாத்ரூமுக்குள் சென்ற மகள் (அவர் ஒரு கல்லூரி பேராசிரியை) அவரை தூக்கி உட்காரவைத்துவிட்டு மற்றவர்களை கூப்பிட்டிருக்கிறார். தற்செயலாக சென்ற நான் பார்க்கும் போது பாட்டி இறந்திருந்தார்.